Qostanaıda maı ekstraktsııalaý zaýyty salynady
QOSTANAI. QazAqparat - «Evrazıan Fýds Korporeıshn» AQ Qostanaı qalasyndaǵy fılıaly ósimdik maı ekstraktsııalaý zaýytyn salýǵa ázir, dep habarlaıdy QazAqparat tilshisi.
Qostanaıdaǵy maı ekstraktsııalaý zaýytynyń qurylysy 2018 jyldyń naýryz aıynda bastalady. Bul týraly «Evrazıan Fýds Korporeıshn» AQ basqarma tóraǵasynyń orynbasary Svetlana Boıko aıtty.
«Bizdiń holdıngte eki maı óńdeý zaýyty jumys isteıdi. Onyń biri Almatyda, al ekinshisi Qaraǵandy qalasynda. Ókinishke qaraı, bizdiń zaýyttar negizinen Reseıden kelgen ımporttyq shıkizattardy paıdalanady. Mine, osy olqylyqtyń ornyn toltyrý maqsatynda Qostanaıda maı ekstraktsııalaý zaýytyn ashpaqshymyz. Jobany Qazaqstannyń damý banki qarjylandyrady», - dedi S.Boıko.
Joba quny - 100 mln dollar. Qurylys jumystary 2020 jyly aıaqtalýy tıis.
