Qostanaıda maska talap etken avtobýs júrgizýshisin soqqyǵa jyqqan buzaqy ustaldy
QOSTANAI. QazAqparat – Búgin Qostanaı qalasynda №11 baǵdardaǵy avtobýs júrgizýshisin soqqyǵa jyqqan buzaqy ustaldy, dep habarlaıdy QazAqparat.
Aqparatty Qostanaı oblysy ákimdigi janyndaǵy arnaıy shtab rastady.
«Bastapqyda júrgizýshi bekitilgen tártipke sáıkes, jolaýshyny maskasyz avtobýsqa kirgizbegen. Jas jigit onyń talabyn elemeı, júrgizýshini uryp, avtobýstan qashyp ketken. Іzdestirý barysynda Qostanaı qalasynyń 31 jastaǵy turǵyny ustaldy», - delingen Shtab aqparatynda.
Qazir osy derek boıynsha QR Qylmystyq kodeksiniń 293-babymen («Buzaqylyq») tergeý bastaldy.
Qostanaı oblysy ákimdigi janyndaǵy aqparattyq shtab tótenshe jaǵdaılar rejımin saqtaý boıynsha talaptarǵa túsinistikpen qaraýdy suraıdy.
