Qostanaıda mas polıtseı kóshedegi kólikti qaqty
QOSTANAI. QazAqparat - Mas kúıinde jol-kólik oqıǵasyna ushyraǵan 26 jastaǵy qostanaılyq polıtseıdiń isi qaralyp jatyr, dep habarlaıdy «QazAqparat» HAA tilshisi jergilikti ІІD baspasóz qyzmetine silteme jasap.
Anyqtalǵandaı 4 qańtar kúni túngi birler shamasynda VAZ-2115 jáne Lifan avtomobılderi arasynda jol-kólik oqıǵasy oryn alǵan.
«VAZ-2115 rýlindegi 26 jastaǵy júrgizýshi Gogol kóshesiniń boıymen kele jatyp, araqashyqtyqty saqtamaı aldynda júrip bara jatqan Lifan kóligine soǵylǵan. Júrgizilgen saraptama qorytyndysy kórsetkendeı, VAZ-2115 júrgizýshisiniń rýlge mas kúıinde otyrǵany jáne onyń polıtsııa qyzmetkeri ekeni anyqtaldy»,-dedi ІІD baspasóz hatshysy Irına Bejenar.
Qazir júrgizýshige qatysty ákimshilik hattama toltyrylyp, qyzmettik tekserý jumystary júrgizilip jatyr.
