Qostanaıda mas kúıinde kólik júrgizgen aýyl ákimi jazalandy
Atalmysh derek memlekettik qyzmetkerlerdiń ákimshilik quqyq buzý faktilerin monıtorıngteý kezinde anyqtaldy. Bul joly Fedorov aýdany Novoshýmnoe aýylynyń ákimi Bolat Baqytjanov nazarǵa ilikti.
«Bıylǵy 2 naýryzda Bolat Baqytjanov jol erejesin buzyp, alkogoldi ishimdik ishken kúıi R510 AMA 10 nómirli Audi kóligin júrgizgen. Osylaısha ol Ákimshilik quqyq buzý kodeksiniń 608-baby 1-bóligi boıynsha tártip buzdy. Ákimshilik is 13 naýryz kúni Fedorov aýdandyq sotynda qaraldy. Sot otyrysynda B.Baqytjanov kinásin moıyndady»,- dep málim etti Memlekettik qyzmet isteri agenttiginń oblystyq depaartamenti.
Aýyl ákiminiń ózi teris qylyǵyn moıyndap, mán-jaıdy túsindirdi. Aıtýynsha, sol kúni Fedorovka aýylynda dosynyń týǵan kúnin toılap, eki bótelke syra ishken. Tún jarymynda anasy telefon shalyp, ákesiniń naýqastanyp qalǵanyn aıtady. Ony estigen soń birden kólikke otyryp, Zatobol kentindegi ata-anasynyń úıine jol tartqan.
Ádep keńesiniń músheleri aýdan ákiminiń Baqytjanovty jaqsy jaǵynan sıpattaǵanyn eskere kele, oǵan memlekettik qyzmet etıkasyn buzǵany úshin qatań sógis berýdi usyndy.
