Qostanaıda mamonttyń 60 kelilik azý tisi tabyldy
QOSTANAI. QazAqparat - Qostanaı oblysynyń kómir alańynan salmaǵy 60 keli bolatyn mamont tisi tabyldy, dep jazady kstnews.kz saıty.
Mamonttyń azý tisi «Qusmuryn» kómir alańyndaǵy qazý jumystary kezinde ekskavatorshylardyń kózine túsken. Kómir razreziniń 28 metrine kelgende operator ekskavator shómishine bógde nərseniń ilikkenin baıqaıdy.
Al kelesi kúni «Qazaq kómir energetıkasy kompanııasynyń» qyzmetkerleri azý tisti ólketaný murajaıyna alyp kelgen.
Tehnıkalyq dırektor Anton Fılıppov azý tis salmaǵy 60 keli shamasynda ekenin aıtty. Ol osy ýaqytqa deıin kómir alańdarynan ejelgi janýarlardyń birneshe qaldyqtaryn kezdestirgen.
«Negizi saqtalýy jaqsy, degenmen óńdeý kerek. Kompanııa mamandary zertteý jumysyn júrgizýge ruqsat beredi degen úmittemiz. Bul - tistiń aldyńǵy bóligi», - dedi murajaı qyzmetkeri Andreı Andrıýşenko.
