Qostanaıda mal izdeýge shyǵyp joǵalyp ketken er adam tabyldy
ASTANA. KAZINFORM — Búgin qutqarýshylar 21 qarashada Jangeldın aýdanynda joǵalyp ketken 1979 jylǵy er adamdy tapty, dep habarlaıdy TJM baspasóz qyzmeti.
Vedomstvo atap ótkendeı, ol mal izdeý úshin mototsıklmen shyǵyp, belgisiz baǵytqa ketip qalǵan. Telefonynyń bolmaýy izdestirý jumystaryn aıtarlyqtaı qıyndatty. Іzdestirý jumystaryna TJM qutqarýshylary men kúshteri jumyldyryldy.
Budan bólek, jergilikti atqarýshy organdar, polıtsııa qyzmetkerleri jáne aýyl turǵyndary da qatysty.
Іzdeý-qutqarý tobynyń jedel jáne úılesimdi áreketteriniń arqasynda azamat aman-esen tabyldy. TJM-niń qyzmetkerleri azamatty Jangeldın aýdany Shıli aýylynan 35 shaqyrym qashyqtyqta, Aqjar eldi mekeniniń mańyndaǵy ashyq dalada tapty. Azamattyn densaýlyǵyna qaýip joq, medıtsınalyq kómekti qajet etpeıdi, — delingen habarlamada.
TJM shalǵaı aımaqtarǵa shyqqanda jaqyndaryńyzǵa óz baǵytyńyzdy jáne boljaldy qaıtý ýaqytyńyzdy mindetti túrde habarlaý qajettigin eske salady. Bul sizdiń ómirińizdi saqtap qalýǵa kómektesedi.
Budan buryn Aqtóbede bir kún buryn habarsyz ketken erli-zaıyptynyń denesi tabylǵanyn jazǵanbyz.