Qostanaıda lımýzın júrgizýshisi zeınetkerdi qaǵyp, mert qyldy
QOSTANAI. QazAqparat - Qostanaı qalalyq soty zeınetkerdi qaqqan «Lımýzın» kóliginiń júrgizýshisine qatysty qylmystyq isti qarady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Qaıǵyly oqıǵa 2017 jyldyń 17 shildesi kúni bolǵan. Karbyshev kóshesindegi avtoturaqtardyń birinde 37 jastaǵy «Lımýzın» júrgizýshisi Mıhaıl Glýhenkıı 74 jastaǵy zeınetkerdi soǵyp ketken. Ol avtoturaqta kúzetshi bolyp jumys istegen.
«Tergeý sharalary anyqtaǵandaı, kúzetshi aýyr dene jaraqattarynyń saldarynan oqıǵa ornynda mert boldy. Sot-medıtsınalyq saraptama taǵaıyndaldy. Qylmystyq is materıaldarynyń derekteri boıynsha kúdiktiniń kinási dáleldendi», - dep habarlady ІІD baspasóz qyzmeti.
Osylaısha, Glýhenkıı QR QK 345-baby («Jol qozǵalysy erejesin buzý») boıynsha aıypty dep tanyldy. Sot úkimimen oǵan 3 jyl 9 aı bas bostandyǵynan aıyrý jazasy taǵaıyndaldy. Buǵan qosa ol jábirlenýshi tarapqa 1 mln 321 myń teńge materıaldyq, 2 mln teńge moraldyq shyǵyn óteıdi. Sondaı-aq, Glýhenkıı 3 jyl kólik basqarý quqyǵynan shettetildi.
