Qostanaıda «Lımýzın» zeınetkerdi qaǵyp, mert qyldy
QOSTANAI. QazAqparat - Qostanaı oblysynda zeınetkerdi qaqqan «Lımýzın» kóliginiń júrgizýshisine qatysty qylmystyq is prokýratýraǵa jiberildi, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Qostanaı oblysy ІІD tergeý bólimi QR QK 345-baby («Jol qozǵalysy erejesin buzý») boıynsha qylmystyq is tergelip, prokýratýraǵa jiberdi.
Eske salsaq, qaıǵyly oqıǵa ústimizdegi jyldyń 17 shildesi kúni bolǵan. Karbyshev kóshesindegi avtoturaqtardyń birinde 37 jastaǵy «Lımýzın» júrgizýshisi 74 jastaǵy zeınetkerdi soǵyp ketedi. Ol avtoturaqta kúzetshi bolyp jumys istegen.
Tergeý sharalary anyqtaǵandaı, kúzetshi aýyr dene jaraqattary saldarynan oqıǵa ornynda mert boldy. Qylmystyq is materıaldary derekteri boıynsha kúdiktiniń kinási dáleldenip otyr.
