Qostanaıda lıft shyǵaratyn zaýyt salynady
ASTANA. QazAqparat - Qostanaıda bir aıdan keıin lıft shyǵaratyn zaýyt qurylysy bastalady, dep jazady kostanaytany.kz.
Bul týraly oblystyq máslıhattyń altynshy shaqyrylymnyń jetinshi kezekti sessııasynda oblys ákimi A.Muhambetov málimdedi.
Ákimniń aıtýynsha, kórshi elderdiń kásipkerleri de ındýstrıaldyq aımaq aıasynda bizdiń óńirde ózderiniń jobalaryn júzege asyrýǵa nıettenip otyrǵan kórinedi. Máselen, Ekaterınbýrg qalasyndaǵy zaýyt oblys ortalyǵynda lıft óndirisin iske qospaq. Qazir bul turǵyda ekijaqty kelissózder júrgizilýde.
Bir aıdan keıin jańa zaýyttyń qurylysy bastalady. Zaýyttyń qýattylyǵy jylyna eki myńǵa jýyq lıft shyǵaratyn bolady. Tek, elimizdiń aımaǵyn ǵana emes, Ortalyq Azııa men Shyǵys-Eýropa elderinde de qamtıdy.
Investıtsııa kólemi 1 mlrd 485 mln teńge. Jobany iske asyrý eki kezeń boıynsha júrgiziledi, birinshi kezeńi 2018 jylǵa josparlanǵan.
