Qostanaıda «Leksýs» jaıaý júrginshini qaǵyp ketti
QOSTANAI. QazAqparat - Qostanaıda jaıaý júrginshini qaǵyp ketken 29 jastaǵy kólik júrgizýshisine qatysty sotqa deıingi tergep-tekserý jumystary júrgizilip jatyr, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa oblys ortalyǵyndaǵy Jaýynger-Internatsıonalıster kóshesinde bolǵan. Qatty jyldamdyqpen kelgen «Leksýs» kóligi jaıaý júrginshiler jolaǵynan ótpek bolǵan áıeldi soǵyp ketken. Jábirlenýshi túrli dene jaraqattarymen oblystyq aýrýhananyń jansaqtaý bólimine jetkizildi.
«Polıtsııa qyzmetkerleri jaıaý júrginshini soqqan 29 jastaǵy qala turǵyny ekenin anyqtady. Qazirgi ýaqytta QR QK 345-baby (Jol qozǵalysy erejeleriniń buzylýy) boıynsha sotqa deıingi tergep-tekserý jumystary júrgizilip jatyr»,- delingen polıtsııa departamentiniń baspasóz habarlamasynda.
Osyǵan deıin Qostanaıda jeńil kólik KamAZ-ben soqtyǵysty, júrgizýshi qaza bolǵandyǵyn jazdyq.
