Qostanaıda latyn álipbıi kabıneti ashyldy
Búgin «Tildaryn» oblystyq tilderdi oqytý ortalyǵynda latyn álipbıine negizdelgen qazaq tilin oqytý kabıneti ashyldy. Oblystyq tilderdi damytý basqarmasynyń basshysy Gúljan Meńdekınova latyn álipbıine kóshý jobasy boıynsha 2017 jyldan bastap 6 myńnan astam is-shara ótkizilgenin jetkizdi.
«Aqparattyq-túsindirý toby 500 myńnan astamdy qamtydy. 2018 jyly osynaý jobany iske asyrýǵa 19 mln teńgeden astam qarajat jumsalǵan. Sonyń ishinde ǵylymı konferentsııalar, ashyq sabaqtar, semınarlar bar. Ótken jylǵy Ulttyq komıssııa maquldaǵan qazaq tiliniń latynǵa negizdelgen emle-erejesin óńir turǵyndaryna oqytyp-úıretý maqsatynda bıyl 22 mln teńge bólinip otyr», - dedi basqarma basshysy.
Aıta keteıik, osy jyly oblys ákimi Arhımed Muhambetovtiń qoldaýymen aımaq bıýdjetinen ortalyqtyń materıaldyq-tehnıkalyq bazasyn nyǵaıtýǵa jáne jańa kabınet jabdyqtaýǵa 7 mln teńge qarajat bólindi. Endi bul kabınette qysqa merzimdi kýrstar oqytý josparlanǵan. Ádisker-oqytýshylar 24 saǵattyq qysqa merzimdi oqytý baǵdarlamasyn ázirlegen.
