Qostanaıda qyzmettik avtobýs qorshaýǵa soǵyldy
QOSTANAI. QazAqparat - Qostanaı qalasynda qyzmettik avtobýs qorshaýǵa soǵylyp, jol jıegindegi aǵashtardy qıratty, dep habarlaıdy QazAqparat.
Jol-kólik oqıǵasy búgin qaladaǵy 15-dúken mańynda bolǵan. Vadım esimdi kýágerdiń aıtýynsha, avtobýs júrgizýshisi uıyqtap ketken bolýy múmkin.
«Bul avtobýs Voınov-Internatsıonalıstov kóshesimen kele jatty. Sálden soń júrgizýshi kólikti basqara almaı, bólingen jolaqqa shyǵyp ketip, qorshaý men aǵashtarǵa soǵyldy. Dereý jedel-járdem qyzmetin shaqyrdyq. Júrgizýshi uıyqtap ketkenge uqsaıdy», - deıdi oqıǵa kýágeri.
Oblystyq ІІD baspasóz qyzmetinde málimdegendeı, oqıǵanyń mán-jaıy tekserilip jatyr. Avtobýs salonynda júrgizýshiden basqa eshkim bolmaǵan. Jaıaý júrginshiler zardap shekken joq. Sondaı-aq, qyzmettik avtobýstyń qandaı mekemege tıesili ekeni anyqtalýda.
