Qostanaıda qyzdar arasynda el chempıonaty bastaldy
Óz salmaǵynda myqty ekenin dáleldep, Ulttyq qurama sapyna qosylý úshin ər óńirden tańdaýly 104 bylǵary qolǵap sheberi keldi.
Bıylǵy bəsekege halyqaralyq arenada baq synap júrgen kóptegen boksshy qatysyp jatyr. Máselen, jýyrda Ammanda aıaqtalǵan Azııa chempıonatynyń jeńimpazdary men júldegerleri, Ystanbuldaǵy Əlem chempıonatynyń, Olımpıada júldegerleri Qostanaı tórinde jarys kórkin qyzdyrýda.
Osyǵan deıin Qazaqstan boks federatsııasynyń basshylyǵy men Shəmil Safıýllın bastaǵan bapkerler qosyny eshkimge jeńildik jasamaıtynyn, Ulttyq quramadaǵy ər oryn úshin talas bərine ortaq ekenin aıtqan edi.
Tek Ulttyq qurama qatarynda júrgen Karına Ibragımova Qostanaıǵa kelgen joq. Sebebi, Azııa chempıony, bıylǵy álem chempıonatynyń qola júldegeri 11 jeltoqsanda Halyqaralyq boks assotsıatsııasy (IBA) ótkizgen alǵashqy «Chempıondar túni» jobasynda judyryqtasty.
Jalpy chempıonat aıasynda 92 jekpe-jek ótedi. Al eń kóp boksshy 48 kg deıingi salmaqta tirkelgen. Qostanaıdaǵy sharshy alań dodasy 17 jeltoqsanda məresine jetedi.
Foto: sport.kz
