Qostanaıda qylmystyq top bıýdjetten 484 mln teńgeni jymqyrǵan

QOSTANAI. QazAqparat - Qostanaı oblysynda aýyl sharýashylyǵyna arnalǵan jabdyqty satyp alý kezinde qarajatty jymqyrý deregi anyqtaldy. Bul týraly QazAqparat Qarjylyq monıtorıngi agenttigine silteme jasap habarlaıdy.

QR Qarjylyq monıtorıngi agenttigi Qostanaı oblysynda bıýdjet qarajatyn asa iri mólsherde jymqyrǵan bir top tulǵaǵa qatysty QR QK-niń 190-b. 4-b. 2-tarmaǵy boıynsha qylmystyq is tergeýde.

Qylmystyq top memlekettik ınvestıtsııalyq baǵdarlama aıasynda 484 mln teńgeni jymqyrǵan. Qarajat oblystyń sharýashylyq qojalyǵyna kún energııasyn paıdalana otyryp, uńǵymalardan sýdy kóterýge arnalǵan jabdyq satyp alýǵa sýbsıdııa retinde bólingen edi.

Qazirgi ýaqytta qylmystyq is sotta qaralýda.