Qostanaıda kúıip qalǵan 4 jasar balanyń jaǵdaıy aýyr - dáriger
QOSTANAI. QazAqparat - Qostanaı oblysynda otqa kúıip qalǵan 4 jasar Artem Logovchınniń jaǵdaıy aýyr. Bul týraly oblystyq balalar aýrýhanasynyń bas dárigeri Igor Belobrjıtskıı aıtty, dep habarlaıdy QazAqparat tilshisi.
«Bala áli jansaqtaý bóliminde jatyr. Onyń jaǵdaıy aýyr. 3-4 dárejeli kúıik shalý dıganozy qoıyldy», - dedi I. Belobrjıtskıı.
Bas dárigerdiń aıtýynsha, áýeli teriniń kúıgen jerlerin emdeý qajet. Sodan keıin jara arnaıy matamen tańylady.
Eske salsaq, oqıǵa ótken jeksenbide Fedorov aýdanynda bolǵan. Otqa quıylǵan benzınniń jalyny sharpyp 4 jasar Artem Logovchınniń aıaǵy qatty kúıip qalǵan.
