Qostanaıda kúsh qurylym qyzmetkerleri arasynda prezıdenttik kópsaıys ótip jatyr
QOSTANAI. QazAqparat - Qostanaıda kúsh qurylym qyzmetkerleri arasynda prezıdenttik kópsaıys bastaldy. Ol «Dınamo» qazaqstandyq sporttyq qoǵamdastyǵynyń 90 jyldyǵy men UOS Jeńisiniń 70 jyldyǵyna arnaldy. Oǵan 300-ge jýyq adam qatysyp jatyr.
Spartakıadada QR ІІM, QR Qorǵanys mınıstrliginiń, QR UQK, QR UQK Shekara qyzmetiniń komandalary jarysyp jatyr.
«Prezıdenttik kópsaıys - bul barlyq quqyq qorǵaý organdarynyń sporttyq daıyndyǵyn kórsetý, bastysy olardyń kásibı múmkindikterine baǵa berý», - dedi Qostanaı oblystyq ІІD bastyǵy Tilegen Matkenov.
Úzdikteri budan da joǵary dárejedegi syndarǵa qatysady. Prezıdenttik kópsaıys baǵdarlamasy jyl saıyn sporttyń jańa túrlermen tolyǵatyny atalyp ótildi.
