Qostanaıda qurylys kompanııasynyń basshysy alaıaqtyq jasady dep aıyptalyp otyr
QOSTANAI. KAZINFORM – QMA Qostanaı oblysy boıynsha departamenti Bolashak Construction Company KZ JShS basshysyna qatysty alaıaqtyq faktisi boıynsha tergep-tekserýdi aıaqtady.
Tergeý amaldaryna saı, kúdikti 2022–2024 jyldar aralyǵynda tıisti ruqsat qujattaryn almaı-aq «Semıa» turǵyn úı kesheniniń úlestik qurylysyna qatysý syltaýymen jeke tulǵalardyń qarajatyn tartýdy uıymdastyrǵan.
Azamattarmen páterler men kommertsııalyq nysandardy aldyn ala satyp alý-satý sharttary jasalǵan. Jobanyń zańdy kórinisin qalyptastyrý úshin áleýmettik jelilerde jarnama júrgizilip, Qostanaı qalasynda keńse jalǵa alynǵan.
Zańsyz áreketterdiń nátıjesinde «Semıa» turǵyn úı kesheniniń úshinshi kezeginiń qurylysyna 28 jeke jáne 1 zańdy tulǵadan jalpy somasy 162 mln teńgeden astam qarajat tartylǵan.
Alaıda kúdikti bul qarajatty nysandy belgilengen merzimde aıaqtamaı, óz qalaýy boıynsha jumsaǵan. Qazirgi ýaqytta turǵyn úı kesheniniń úshinshi kezeginiń qurylysy aıaqtalmaǵan.
Sot sanktsııasymen kúdiktiniń múlkine, onyń ishinde Hyundai Santa Fe avtokóligine, úsh bólmeli páterine jáne jertóle kommertsııalyq úı-jaılaryna tyıym salyndy.
Oǵan qatysty úıqamaq túrindegi bultartpaý sharasy tańdaldy.
Qylmystyq is sotqa joldandy.
Qazaqstan Respýblıkasy QPK-niń 201-babyna sáıkes ózge aqparat jarııa etýge jatpaıdy.
Aıta ketelik Atyraýda 150-den astam úlesker baspanasyna qol jetkize almaı júrgeni týraly jazǵan edik.
