Qostanaıda qurbandyq shalý orny belgili boldy
ASTANA. QazAqparat - Qostanaıda qurbandyq shalý orny tańdaldy. Bul týraly aqparatty Qostanaı qalalyq ákimdiginiń baspasóz qyzmeti taratty.
Qala aýmaǵynda qurbandyq shalý orny bolyp Ekaterınbýrg-Almaty tas jolynyń 543 shaqyrymynda ornalasqan «Kostanaıskıı Agroprodýkt» JShS tóńiregindegi №1 qurylys mańy belgilendi.
Esterińizge sala keteıik, bıyl Qurban aıt meıramy 1-3 qyrkúıek aralyǵynda merekelenedi. Alǵashqy kúni aıt namazy oqylyp, qurbandyq shalady.
Erejege sáıkes, soıylǵan mal etiniń úshten birin muqtaj jandarǵa, taǵy bir bóligin týǵan-týystaryna, qalǵanyn ózine qaldyrýy kerek.
Batyr Jolaıuly
