Qostanaıda qurban shalatyn oryn belgilendi
QOSTANAI. KAZINFORM – Bıyl qurbandyq shalý 27 mamyr kúni Qurban aıt namazynan keıin ótedi. Qostanaı oblysynyń barlyq aýdandary men qalalarynda rásimge arnalǵan arnaıy oryndar belgilendi, dep habarlaıdy Kazinform tilshisi.
Mal soıý 29 mamyrda kún batqanǵa deıingi namaz – ekinti namazyna deıin jalǵasady. Oblys ortalyǵynda qurbandyq shalý «Qostanaı Agroprodýkt» - «Amıgo» at sporty klýbynyń aýmaǵynda uıymdastyrylady.
Oblystyq meshittiń naıb ımamy Álisher Balahmet atap ótkendeı, sharıǵattyń barlyq normalaryna sáıkestigin qamtamasyz etý úshin nysanda arnaıy daıyndalǵan 20 qasapshy, sondaı-aq ımamdar men ustazdar jumys isteıdi.
- Eń bastysy, bári sharıǵat boıynsha, tazalyq pen sanıtarlyq talaptar saqtala otyryp, durys júrgizilýi kerek. Barlyq maldyń qajetti qujattary men veterınarlyq pasporttary bolady, - dep atap ótti spıker.
Mal soıý oryndarynda tártip, sanıtarlyq tazalyq jáne mal soıý protsesin baqylaýdy qamtamasyz etý josparlanǵan.
Qurbandyq shalynatyn taǵy bir oryn – Tobyl qalasyndaǵy «Soıýz TS» aýmaǵy.
Imam qurbandyqqa shalynatyn janýarlar sharıǵat talaptaryna sáıkes kelýi kerek ekenin eske saldy: qoı keminde bir jasta, al iri qara mal keminde eki jasta bolýy kerek.
Pavlodar turǵyndary qurbandyqty qaıda shala alatynyn myna materıaldan oqı alasyz.
Osyǵan deıin Qazaqstanda qurbandyqqa shalatyn qoı baǵasy týraly jazdyq.
