Qostanaıda kúdiktini para berýge ıtermelegen polıtseı sottaldy
QOSTANAI. QazAqparat - Qostanaı ІІB tergeýshisi Janbolat Erikov para berýge ıtermelegeni jáne alaıaqtyq jasaǵany úshin sottaldy, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Burynǵy tergeýshige úkim búgin Qostanaı №2 sotynda oqyldy. Ol 5-6 jeltoqsan kúnderi qyzmettik ókilettigin asyra paıdalana otyryp, azamat S.-ny qylmystyq jaýapqa tartpaýǵa kómektesý jáne aqsha urlaý faktisi boıynsha qylmystyq isti toqtatý úshin 400 myń teńge mólsherinde aqsha berýge úgittegen.
Biraq S. oǵan para bermeı, Qostanaı oblysy boıynsha sybaılas jemqorlyqqa qarsy is-qımyl qyzmetine júgingen. Erikov sol kúni ustalǵan.
Sot Janbolat Erikovti aıypty dep tanyp, úsh jylǵa bas bostandyǵynan aıyrý jazasyna kesti. Budan tys, J. Erikov polıtsııa kapıtany ataǵynan aıyryldy.
