Qostanaıda kúdikti sómke úshin vokzal qorshaýǵa alyndy
QOSTANAI. QazAqparat - Qostanaıdaǵy qorshaýǵa alynǵan temirjol vokzaly týraly oblystyq ІІD baspasóz qyzmeti resmı málimdeme jasady, dep habarlaıdy QazAqparat tilshisi.
Eske salsaq, búgin keshke turǵyndar vokzalda jarylǵysh zattyń bolýy múmkin ekenin aıtyp, dabyl qaqqan. Tártip saqshylary vokzal ishindegi adamdary syrtqa shyǵaryp, ǵımaratty qorshaýǵa aldy.
«1 qarashada saǵat 18:10-da er adam polıtsııanyń kezekshi bólimine temirjol vokzalynda kúdikti sómkeniń turǵanyn aıtqan. Tekserý barysynda sómke ishinde oblys turǵynynyń jeke zattary bolǵany anyqtaldy», -dedi oblystyq ІІD baspasóz hatshysy Irına Bejenar.
