Qostanaıda qubyr jarylyp, birneshe kóshe aýyz sýsyz qaldy
QOSTANAI.QazAqparat – Qostanaı qalasynyń Sıbırskaıa kóshesin men Abaı dańǵylynyń qıylysynda sý qubyry jaryldy. Qazir atalmysh sý jelilerinde qalpyna keltirý jumystary júrgizilip jatyr, dep habarlaıdy QazAqparat.
Apattyq qubyrlardy jóndeýmen aınalysatyn «Qostanaı-Sý» mekemesi málim etkendeı, qazir Sıbırskaıa kóshesiniń birneshe úıi aýyz sýdan ajyrady. Al 15 qańtar saǵat 09:00-den bastap myna mekenjaılar boıynsha aýyz sý berý toqtatylady:
- Abaı dańǵyly 39A korpýsyndaǵy turǵyn úıler;
- Sıbırskaıa kóshesiniń qıylysy men Abaı dańǵylynan Altynsarın kóshesine deıingi aralyqtaǵy jeke turǵyn úı sektory;
- Sibir ótkeli;
- Altynsarın-Baımaǵambetov kóshelerinen Hakimjanova kóshesine deıin.
Sonymen qatar Qostanaı qalasynyń №18 orta mektebi men oblystyq MAI ǵımaraty aýyz sýdan toqtatylady.
