Qostanaıda qubyr jarylyp, birneshe kópqabatty turǵyn úı sýsyz qaldy

QOSTANAI. QazAqparat – Qostanaı qalasyndaǵy Táýelsizdik kóshesi boıynda tozǵan qubyr jarylyp, 4 kópqabatty turǵyn úı men Halyqqa qyzmet kórsetý ortalyǵy sýsyz qaldy. Bul týraly QazAqparat tilshisi «Qostanaı-Sý» qalalyq kommýnaldyq kásipornynyń baspasóz qyzmetine silteme jasap habarlaıdy.

«Táýelsizdik kóshesi 105 mekenjaıy mańynda tozǵan qubyrdyń jarylýy týraly habarlama 10 jeltoqsan kúni saǵat 11:00-de tústi. Jóndeý jumystaryna arnaıy brıgada qyzmetkerleri men 3 tehnıka jumyldyryldy. Osyǵan baılanysty Táýelsizdik kóshesindegi №105, 107 kópqabatty úıler men Halyqqa qyzmet kórsetý ortalyǵy jáne Kozybaev kóshesindegi № 96, 98 úıler sýdan ajyratyldy», - dep málim etti «Qostanaı-Sý» kommýnaldyq kásipornynyń baspasóz qyzmetinen.

Málim bolǵandaı, qubyrdy qalpyna keltirý jumystaryn búgin aıaqtaý josparlanǵan. Bul aralyqta turǵyn úılerge arnaıy tehnıkamen sý jetkiziledi.