Qostanaıda qubyr jarylyp, 8 turǵyn úı jylýsyz qaldy
Bul týraly «Qostanaı jylý energetıkalyq kompanııasynyń» baspasóz qyzmetinen málim etti, dep habarlaıdy QazAqparat tilshisi.
«26 jeltoqsan kúni Táýelsizdik dańǵylyndaǵy jerasty jylý qubyrynyń dıametri 250 mm bolatyn bóligi jaryldy. Saǵat 09:00-14:30 aralyǵynda qubyrdy ashý úshin qazý jumystary júrgizildi. Osyǵan baılanysty 8 kóppáterli turǵyn úı (381 abonent) jylýdan ajyratyldy. Jóndeý jumystaryn saǵat 20:00-ge jaqyn aıaqtaý josparlanýda», - delingen «Qostanaı jylý energetıkalyq kompanııasynyń» habarlamasynda.
Málim bolǵandaı, myna mekenjaılar boıynsha ornalasqan kóppáterli úıler jylýdan ajyratyldy:
Ál-Farabı dańǵyly boıyndaǵy №143, №145, №158/1, №158/6 úıler;
Peronnaıa kóshesi boıyndaǵy №3, №4, №10 úıler;
Temirbaev kóshesi boıyndaǵy №39 úı.
Eske salaıyq, bul ýaqytqa deıin Qostanaı qalasy kósheleriniń birinde jerasty jylý qubyrynda apat bolyp, 30 turǵyn úı kesheni jylýsyz qalǵan edi.
