Qostanaıda qubyr aýystyrý kezinde adam súıekteri tabyldy

QOSTANAI. QazAqparat – Qostanaı qalasynda kommýnaldyq jelilerdi jóndep jatqan qyzmetkerler adam súıekterin taýyp aldy, dep habarlaıdy QazAqparat «Qostanaı jańalyqtary» basylymyna silteme jasap.

Qostanaı oblystyq Polıtsııa departamentiniń málimentinshe, 4 shilde kúni, saǵat 14:30-da polıtsııaǵa Qostanaı jylýenergetıka kompanııasynyń jumysshylarynan aqparat túsken. Olar Máýlenov - Dosjanov kóshesiniń qıylysynda qubyrlardy aýystyrý kezinde adam qańqalaryn tapqan.

Osy fakti boıynsha qajet tergeý amaldary bastaldy. Taldaý jasalyp, sonyń nátıjesi boıynsha protsessýaldyq sheshim qabyldanady.