Qostanaıda QR Táýelsizdiginiń 25 jyldyǵyna arnalǵan saıabaq ashyldy

ASTANA. QazAqparat - Búgin Qostanaıda QR Táýelsizdiginiń 25 jyldyǵyna oraı jańa saıajaı ashyldy, dep habarlaıdy alau.kz.

Saıabaqty ashylý rásimine óńir ákimi Arhımed Muhambetov  qatysyp,  qalanyń gúldenýine at salysyp júrgen 25 qostanaılyqty marapattady. Olardyń arasynda polıtsııa qyzmetkerleri, sportshylar, dárigerler bar.

Jańa saıabaq birneshe taqyryptyq aımaqtarǵa bólingen. Máselen, balalardyń oınaýyna arnalǵan oıyn alańdary boı kóterip, velosıped joldary salyndy.

Ol jerde shaǵyn arhıtektýralyq pishinder, karýselder, átkenshekter men týrnıkter bar. Aınala abattandyrylyp, 800-ge jýyq kóshet otyrǵyzyldy. Sondaı-aq, sporttyq sharalardy ótkizýge arnalǵan alańdar da qarastyrylǵan.

Jalpy saıabaqty salýǵa birneshe jyl ýaqyt ketken. Jobanyń jalpy quny 1 mlrd teńgeni quraǵan.