Qostanaıda kóshi-qon zańyn buzǵan 15 sheteldik elden qýyldy
QOSTANAI. QazAqparat - 348 shetel azamaty Qostanaı oblysynyń shekarasynan zańsyz ótken, dep habarlaıdy QazAqparat tilshisi vedomstvonyń baspasóz qyzmetine silteme jasap.
Oblystyq polıtsııa departamenti uıymdasqan qylmysqa qarsy kúres basqarmasynyń qyzmetkerleri ótken aptada «Kóktem» arnaıy operatsııasyn júrgizdi. Jedel-izdestirý sharalary barysynda shetel azamattarynyń jumys kúshin paıdalanǵan qostanaılyqtardy jazaǵa tartty. Osyndaı 18 fakt tirkelip, zertteý jumystary júrgizilýde.
«Kóktem» shuǵyl operatsııasy kezinde QR aýmaǵyna kirýdiń belgilengen erejelerin buzǵany úshin 348 shetel azamatyna aıyppul salyndy. Olardyń 15-i elden shyǵaryldy. Qoldanystaǵy QR kóshi-qon zańnamalaryn buzǵany úshin 88 shetel azamatynyń Qazaqstan aýmaǵynda turý merzimi qysqartyldy. Taǵy sondaı 74 sheteldikke aıyppul salyndy», - deıdi oblystyq polıtsııa departamentiniń baspasóz hatshysy Irına Bejenar.
