Qostanaıda koronavırýstan kóz jumǵan adam: Tergeý júrip jatyr
NUR-SULTAN. QazAqparat – Qostanaı oblysynda bir adamnyń koronavırýstan kóz jumýyna baılanysty klınıkalyq tergeý jumystary júrgizilýde, dep habarlaıdy QazAqparat tilshisi.
«Epıdemıologııalyq tergeý áli júrip jatyr. Bul tergeý júrgizý úshin aldymen aýrýdan kóz jumǵan adammen baılanysta bolǵandardy anyqtaý kerek. Al emdeýge qatysty suraqtarǵa klınıkalyq tergeý jumystary aıaqtalǵan soń ǵana jaýap bere alamyn. Buǵan qatysty jumystar júrgizilip, qajetti qujattar alyndy. Bul adamdar shynymen elordada bolǵany týraly aıta alamyn, biraq olardyń Nur-Sultanda bolǵanyna uzaq ýaqyt bolǵan jáne ınkýbatsııalyq kezeń de ótip ketti», - deıdi Qostanaı oblysy Taýarlar men qyzmetterdiń sapasy men qaýipsizdigin baqylaý departamentiniń basshysy Oral Bekmaǵambetov.
Ol koronavırýstan kóz jumǵan adam aýrýdy Qostanaıǵa kelgen soń juqtyrýy múmkin ekenin aıtty.
«Olardyń aýrý juqtyrý kózi elordada emes bolýy da múmkin. Olar aýrýdy oblysqa oralǵan soń juqtyrǵan bolýy múmkin. Karantın ne úshin kerektigine osy jaǵdaı mysal bola alady. Tergeý jumystary aıaqtalǵan soń resmı aqparatty beretin bolamyz», - deıdi ol.
Buǵan deıin Qostanaıdy koronavırýstan bir adam qaıtys bolǵany týraly jazǵan bolatynbyz. Ol Jetiqara qalasynyń 1945 jyly týǵan turǵyny bolǵan.
