Qostanaıda koronavırýs juqtyrǵan eki adam buryn aýyrǵandarmen baılanysta bolǵan
QOSTANAI. QazAqparat – Búgin saǵat 09:30-daǵy jaǵdaı boıynsha Qostanaı oblysynda 2 adam koronavırýs juqtyrdy, dep habarlaıdy QazAqparat.
«COVID-19 Jitiqara qalasynyń 2 turǵynynan tabyldy, olar 1972 jylǵy er adam men 1965 jylǵy áıel. Ekeýi de ózderine deıin vırýsty juqtyrǵan azamattarmen qarym-qatynas jasaǵan. Olarmen baılanys jasaǵan adamdar anyqtalyp, olardy oqshaýlaý jumystary atqarylýda. Aýrý oshaqtarynda zararsyzdandyrý jumystary júrgizildi. Epıdemııaǵa qarsy is-sharalar qolǵa alynǵan»,-delingen habarlamada.
Aıta keteıik, qazirgi tańda Qostanaı oblysynda COVID-19 vırýsyn juqtyrǵan 38 adam tirkelgen.
Foto: Mıhaıl Tereşenko/TASS