Qostanaıda qorǵaýshy sybaılas jemqorlyq týraly atyshýly is boıynsha qamaýǵa alyndy
QOSTANAI. QazAqparat - Qostanaı oblystyq advokattar alqasynyń advokaty Erlan Muhamedjanov ÝUI-ǵa qamaýǵa alyndy, dep habarlady «QazAqparat» HAA tilshisi.
Búgin sottyń apelıatsııalyq alqasynda Muhamedjanovtyń budan burynǵy kepil túrindegi (500 AEK nemese 1 mln teńgeden astam) bultartpaý sharasyna narazylyq bildirildi.
Muhamedjanov Qostanaı memlekettik kiris departamentiniń ekonomıkalyq tergeý qyzmetiniń ofıtseri Suńqar Qozbaqovtan iri kólemde para alǵany týraly atyshýly istiń fıgýranty atandy. Advokat olar Baýyrjan Tankeevten alǵan aqshany berý kezinde deldal bolǵan. Bul rette zańger ofıtserge 3 mln teńgeni berip, qalǵanyn ózinde qaldyrǵan.
Budan buryn habarlanǵandaı, keshe Tankeev óz-ózine qol saldy. Ólim faktisi boıynsha ózin-ózi óltirýge jetkizý baby boıynsha sotaldy tergeý júrip jatyr. Bul iste basty kúdikti sybaılas jemqorlyqqa qarsy qyzmet qyzmetkerleri bolýy múmkin. Óler aldyndaǵy jazbaǵa Tankeev: tergeýshiler oǵan shyndyqqa janaspaıtyn aıǵaq berýge májbúrlegenin jazyp qaldyrǵan.
