Qostanaıda qorada turǵan mal tirideı órtenip ketti

QOSTANAI. QazAqparat – Qostanaı qalasynda bir úıdiń úıdiń aýlasyndaǵy qora órtenip, ishtegi mal tirideı janyp ketti, dep habarlaıdy QazAqparat Qostanaı oblystyq Tótenshe jaǵdaılar departamentiniń baspasóz qyzmetine silteme jasap.

4 maýsymda saǵat 14:09-da Qostanaı oblystyq TJD nómirine Tsvetonaıa kóshesinde 150 sharshy metr aýmaqta qora órtenip jatqany týraly habarlama kelip túsken. Órt sóndirýshiler oqıǵa ornyna saǵat 14:57-de kelip, jalyndy sóndirýge kiristi.

«Órttiń jaqyn turǵan jekemenshik úıdiń barlyq aýmaǵyna, sondaı-aq kórshi úıge taralyp ketýi múmkin edi. Jalynmen kúreste órt sóndirý qyzmeti jeke quramynyń 15 mamany men 4 tehnıkasy jumyldyryldy. Qoradan basqa, onyń ishinde turǵan mal – bir jylqy men 12 qoı órtenip ketti. Sondaı-aq, órt kezinde sonda júrgen jaldamaly jumysshy zardap shekti. Beti men qoly kúıgen ol aýrýhanaǵa barýdan bas tartty», - dep habarlady TJD-dan.

Órttiń shyǵý sebebi anyqtalyp jatyr. Qora órtengende ıeleri úıde bolyp, ol týraly bilmegen. Órt sóndirýshiler jalyndy saǵat 15:19-da tolyq sóndirdi.