Qostanaıda kópqabatty 27 úıdiń qurylysy bastalmaq
QOSTANAI. QazAqparat - Bıyl Qostanaıda 30-ǵa jýyq kópqabatty úıdiń qurylysy bastalady. Bul týraly turǵyndarǵa esep berý jıynynda qala ákimi Bazyl Jaqypov málimdedi, dep habarlaıdy QazAqparat.
Qala ákiminiń sózinshe, 2017 jyly Qostanaıda turǵyn úı qurylysy baǵdarlamasy boıynsha 5,5 mlrd teńge qarajat tolyǵymen ıgerildi.
«Byltyr bıýdjettik qarjy men jeke ınvestıtsııalardyń esebinen 1686 páterli 22 úı men mansardty 4 qabat paıdalanýǵa berildi. Buǵan qosa memleket bıýdjetinen 1062 páterli 17 úıdiń salynýyna aqsha bólindi. Taǵy 10 úı «Báıterek» AQ arqyly salyndy», - deıdi qala ákimi.
Al osy jyly 27 úıdiń qurylysy bastalmaq. Onyń 20-sy - «ıÝbıleınyı», 7-eýi «Áýejaı» shaǵyn aýdanyndarynda turǵyzylady. Qalanyń shet jaǵyndaǵy «Áýejaı» shaǵyn aýdanynda búginge deıin 17 úı jurt ıgiligine berildi. Joba boıynsha 2018 jyldyń aıaǵyna deıin munda kópqabatty taǵy 7 úıdiń qurylysy bastalady. Baspanalardyń jalpy aýmaǵy - 100 myń sharshy metr. Munyń syrtynda byltyr 900 oryndyq mektep pen eki balabaqshanyń qurylysy qolǵa alynǵan.
«Bul shaǵyn aýdanda 1000 adamǵa arnalǵan sporttyq-kóńil kóterý kesheni qoldanysqa beriledi. Barlyq ınjenerlik ınfraqurylym júrgizilgen. Ústimizdegi jyldyń 15 aqpanynda montajdaý jumystary aıaqtalýy tıis. Sonymen qatar «Áýejaıǵa» jaqyn ornalasqan sý aıdyny mańynan saıabaq salynady», - dedi Jaqypov.
Aıta ketý kerek, búginde «ıÝbıleınyı» shaǵyn aýdanyndaǵy 9 úıdiń irgetasy qalandy. Onyń ishindegi 4 úı jeke ınvestorlardyń qarjysymen salynyp jatyr. Kelesi jyly qalǵan 11 úıdiń qabyrǵasy qalanbaq. Jıynda belgili bolǵandaı, memlekettik-jekemenshik áriptestik aıasynda atalǵan shaǵyn aýdanda 1000 orynǵa shaqtalǵan ulttyq-mádenı ortalyq boı kóteredi.
