Qostanaıda kópbalaly 20 otbasyna páter berildi
Búgin óńir basshysy Arhımed Muhambetov kópbalaly 20 otbasyna páter kiltterin tabys etti. Jeńis kúni qarsańynda qýanyshqa kenelgen «Altyn alqa», «Kúmis alqa» ıelerine «ıÝbıleınyı» shaǵyn aýdanyndaǵy jańa boı kótergen kópqabatty záýlim úıden baspana buıyrdy.
«Aıtýly mereke qarsańynda kópbalaly januıalarǵa jańa páterlerdiń kiltin tapsyryp otyrmyz. Qazirgi ýaqytta «Áleýmettik qamqorlyq» jańa áleýmettik baǵdarlamasyn oryndaý boıynsha is-sharalar kesheni ázirlendi. Munyń bári partııamyzdyń XVIII sezinde aıtyldy. Osyǵan baılanysty azamattardyń jekelegen sanattaryna áleýmettik qoldaýdy kúsheıtý kózdelgen. Jyl saıyn turǵyn úı kezeginde turǵan az qamtylǵan jáne kópbalaly otbasylarǵa páter alý úshin 50 mlrd teńge bólý josparlandy», - dedi Arhımed Muhambetov páter tapsyrý kezinde.
Ras, sońǵy ýaqytta oblysta turǵyn-úı qurylysy qarqyndy damyp keledi. Jaqynda oblys ortalyǵynda, Qobylandy batyr kóshesiniń boıynan 30 páter tapsyrylsa, Ýzkokoleınaıa kóshesinen 20 páter tek kópbalaly otbasylarǵa berildi.
Oblys ákimi aıtqandaı, kópbalaly otbasylar úshin «7 - 20 - 25» baǵdarlamasy jáne Turǵyn-úı qurylys jınaq banki arqyly qoljetimdi baspanamen qamtamsyz etý tetikteri jeńildegen. Tipti, bank keńesshileri olardyń úılerine baryp, tegin depozıt ashyp beredi.
Jalpy elimizde 340 myń kópbalaly otbasy bar, onyń 28 myńy turǵyn úı kezeginde tur. Qostanaı qalasyndaǵy 730 kópbalaly otbasynyń 470-i turǵyn úıge kezegin kútýde.
