Qostanaıda qonys kolonııasynda jazasyn ótep júrgen sottalýshy qashyp ketti
NUR-SULTAN. QazAqparat – 4 maýsymda urlyq jasaǵany úshin sottalyp, jazasyn qonys kolonııasynda ótep júrgen Nursultan Saǵdatuly Sarımanov túrmeden qashyp ketken, dep habarlaıdy QazAqparat jergilikti Alau.kz portalyna silteme jasap.
Bul jóninde Qostanaı oblystyq qylmystyq atqarý júıesi departamenti málimet taratty. Sottalýshy 1994 jyly dúnıege kelgen.
Atalǵan fakt Qostanaı qalasy ІІB Ońtústik polıtsııa bóliminiń sotqa deıingi tergep-tekserýdiń biryńǵaı tizilimine tirkelip, QR Qylmystyq kodeksiniń 427-baby boıynsha tergeý bastaldy. Іshki ister organdarynyń qyzmetkerleri sottalýshynyń júrgen jerin anyqtaý úshin jedel izdeý sharalaryn bastady.
Nursultan Sarımanovtyń ornalasqan jeri týraly qandaı da bir aqparat bolsa, 8-7142- 21-01-06, 8-701-190-72-38, 8-708-257-67-15 nemese 102 nómirine habarlasýǵa bolady.
