Qostanaıda kondıterler men qutqarýshylar qyzyqty aktsııa ótkizdi

QOSTANAI. QazAqparat - Qostanaı oblystyq tótenshe jaǵdaılar departamentiniń qyzmetkerleri «Baıan Sulý» AQ kondıterlik fabrıkasymen birlesip, «Qaýipsiz Jańa jyl» naýqanyn ótkizdi, dep habarlaıdy QazAqparat vedomstvonyń baspasóz qyzmetine silteme jasap.

Jańa jyl merekesi umytylmastaı bolý úshin eń aldymen órt qaýipsizdigi saqtalýy tıis. Osyǵan baılanysty fabrıkanyń óndiristik tsehtarynda «Qaýipsiz Jańa jyl» logotıpi bar jańa jyldyq syılyqtar serııasy shyǵaryldy. Merekelik syılyqta qutqarý qyzmetiniń «112» biryńǵaı nómiri kórsetilgen. Árbir syılyqqa  ádemi jadnama salynǵan. Onda balalardyń otpen oınaýyna qatysty negizgi usynymdar, órt qaýipsizdigi erejeleri jazylǵan.

Aktsııanyń maqsaty - halyqtyń nazaryn jańa jyldyq merekeni qaýipsiz ótkizýge aýdarý.