Qostanaıda kommýnaldyq qyzmetterdiń baǵasy ósti
QOSTANAI. QazAqparat - Qostanaıdaǵy jylý maýsymy baǵanyń kóterilýimen bastaldy, dep habarlaıdy «QazAqparat» HAA tilshisi.
«Tarıftiń kóterilýine tabıǵı gaz baǵasynyń ósýi sebep boldy. Turǵyndardy baǵanyń kóterilýi týraly qyrkúıek aıynda qulaǵdar etkenbiz. Turǵyndar úshin tarıfter ortasha 4%, al zańdy tulǵalar úshin 6%-ke kóterildi», - deıdi Qostanaı jylý energetıkalyq kompanııasy MKK dırektory Asqar Bekpaǵanbetov.
Eske sala ketsek, qyrkúıek aıynyń basynda QJEK 1 qazannan bastap jylý men ystyq sý tarıfteriniń kóteriletinin habarlaǵan bolatyn.
