Qostanaıda kommýnaldyq kásiporyndardyń front-keńsesi ashylmaq

QOSTANAI. QazAqparat – Qostanaı oblysynda kommýnaldyq kásiporyndar ornalasatyn front-keńse ashylýy múmkin. Bul týraly oblys ákimi Іnstagram paraqshasyna jazdy, dep habarlaıdy QazAqparat tilshisi.

Arhımed Muhambetov búgingi jumys saparyn trıatlon parki alańynan bastady. Park qurylysy josparlanǵan ýchaskede júgirý, velosıped jáne jaıaý júrginshiler joly salynady. Oblys basshysy basqa da sport túrleriniń áýesqoılary úshin kóptegen alańdar qarastyrylǵanyn atap ótti.

«Indýstrııalyq aımaqtyń ákimshilik-turmystyq keshenine bardym. Keshende birqatar memlekettik mekemeler, «KAZAKH INVEST» óńirlik ókildigi, Kásipkerler palatasy, «Azamattarǵa arnalǵan úkimet» memlekettik korporatsııasy, «Tobyl» ÁKK ókilderi, sondaı-aq jyljymaly keste rejıminde kommýnaldyq kásiporyndar ornalasatyn front-ofıs ashý josparda», - dep jazdy aımaq ákimi.

Jumys sapary sońynda Arhımed Muhambetov «Tobol Keramık» JShS qyzmetimen tanysty. Kásiporyn kirpish, jabynqysh jáne kúıdirilgen sazdan jasalǵan ózge de qurylys zattaryn shyǵarady. Kásiporynnyń ónimdiligi – aıyna 500-600 myń dana.