Qostanaıda kommýnaldyq tólemderge qoıylǵan shekteýler alynyp tastaldy
QOSTANAI. KAZINFORM — Qazaqstan Respýblıkasy Básekelestikti qorǵaý jáne damytý agenttiginiń Qostanaı oblysy boıynsha departamenti Qostanaı qalasy ákimdiginiń «Qostanaı jylý energetıkalyq kompanııasy» memlekettik kommýnaldyq kásipornyna qatysty ótinishti qarady.
— Taldaý barysynda kásiporyn áreketterinde taýar naryǵyna qatysýshylardyń qol jetkizýine jáne qyzmetine kedergiler jasaý arqyly monopolııalyq jaǵdaıdy teris paıdalaný belgileri anyqtaldy. Atap aıtqanda, kommýnaldyq qyzmetterge (jylytý jáne ystyq sýmen jabdyqtaý) tólem qabyldaý tek ekinshi deńgeıli jekelegen bankterdiń mobıldi qosymshalary arqyly júzege asyrylǵan, — delingen habarlamada.
Atalǵan áreketter Qazaqstan Respýblıkasynyń Kásipkerlik kodeksiniń 174-baby 10) tarmaqshasynyń buzylý belgilerine jatady.
Anyqtalǵan buzýshylyqtardyń nátıjesi boıynsha Departament tarapynan MKK «QJEK»-ke olardy joıý qajettigi týraly habarlama joldandy. Kásiporyn buzýshylyqtardy joıý boıynsha sharalar qabyldap, qazirgi ýaqytta habarlama tolyq kólemde oryndaldy.
Aıta keteıik, buǵan deıin Oral áýejaıyndaǵy baǵa saıasatyna baılanysty zań buzýshylyqtar anyqtalǵan bolatyn.
