Qostanaıda kolonııa qyzmetkeri para retinde aıaq kıim alǵan
Іs derekterinde kórsetilgendeı, 2018 jyldyń 14 qarashasynda Marat Núrkın óziniń qyzmettik kabınetinde turyp, azamat Ch.-dan para retinde qurym aıaq kıim alǵan. Óz kezeginde ol Ch.-ǵa telefon arqyly sóılesýge qosymsha ýaqyt berýge, sondaı-aq, odan ári qamqorlyq jasaýǵa ýáde etken.
«Qostanaı qalasy №2 sotynyń sheshimimen Marat Núrkın qylmystyq quqyq buzýshylyq jasaǵany úshin QR QK-niń 366-baby, 1-bóligimen kináli dep tanyldy. Oǵan 2 jyl merzimge bas bostandyǵynan aıyrý jazasy taǵaıyndaldy. Sonymen qatar, memlekettik qyzmette jumys isteý quqyǵynan ómir boıy shettetildi. Ol jazasyn qaýipsizdigi tómendetilgen qylmystyq-atqarý júıesi mekemesinde óteıdi», - delingen oblystyq sottyń habarlamasynda.
Sondaı-aq, M.Núrkın ádilet maıory sheninen aıyryldy.