Qostanaıda kolledjder dıplomnyń telnusqasyn satyp kelgen
QOSTANAI. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti dıplomnyń telnusqasyn (dýblıkat) berý tártibine baılanysty quqyqbuzýshylyqtardy anyqtady, dep habarlaıdy QazAqparat.
Vedomstvonyń baspasóz hatshysy Aıda Bajırova málimdegendeı, memlekettik qyzmet standarttaryna saı dıplomnyń telnusqasy tegin beriledi. Eger dıplomdy joǵaltyp nemese jyrtyp alǵan jaǵdaıda, halyqqa qyzmet kórsetý ortalyǵyna baryp, ótinish jazý jetkilikti.
«Qostanaıdaǵy áleýmettik-tehnıkalyq kolledj mamandary buryn oqyp ketken stýdentterine dıplomnyń telnusqasyn berý úshin bir myńnan eki myń teńgege deıin aqsha talap eken. Tekseris barysynda bul zańsyz áreketke tosqaýyl qoıyldy. Aldaǵy ýaqytta bul jaıt baqylaýda bolady», - dedi A.Bajırova.
Osylaısha, departament sheshimimen dıplomnyń telnusqasyn satyp alǵan 13 stýdentke qarajat tolyq kólemde qaıtaryldy.
