Qostanaıda kólik jyldamdyǵyn baqylaıtyn jańa júıe engizildi
QOSTANAI. QazAqparat - Qostanaıda tuńǵysh ret kólik jyldamdyǵyn ólsheıtin «Avtoýragan» baqylaý júıesi engizildi, dep habarlaıdy QazAqparat oblystyq ІІD baspasóz qyzmetine silteme jasap.
Endi Qostanaılyq kólikterdiń jyldamdyǵyn táýlik boıy avtomattyq rejımde 8 «Avtoýragan» jyldamdyq ólsheýshi baqylaıtyn bolady.
«Bul júıe ázirge pılottyq rejımde jumys isteıdi. Osyǵan deıin oblys aýmaǵynda «Red Speed» atty jyldamdyqty jáne baǵdarshamnyń tyıym salynǵan belgisine ótip ketken kólikterdi anyqtaıtyn baqylaý kesheni bolǵan. Olardyń ornyna satyp alynǵan «Avtoýragan» ólsheýishi 5 qańtardan bastap qoldanysqa enedi», - dep habarlady oblystyq ІІD baspasóz hatshysy Irına Bejenar.
«Avtoýragan» baqylaý júıelerin ornatý núktelerin jergilikti polıtsııa qyzmeti belgiledi. Atalǵan ólsheýishter qalanyń KJBI shaǵyn aýdany, Abaı-Qazaq, Popovıch-ıÝbıleınyı, Karbyshev-Sibir kósheleriniń qıylysynda, «Áýejaı» aýdanynda, Qostanaı-Zatobol tasjolynda, Qobylandy batyr dańǵylynda ornatylǵan.
Barlyq aqparat qupııa túrde saqtalyp, ІІD-niń júıelengen ortalyǵyna jiberiledi. Keıin, ortalyqtyń mamandary QR ІІM-niń málimet bazasy boıynsha aıyppuldy jol erejesin buzǵan kólik ıesiniń úıine «Qazposhta» arqyly jiberedi.
