Qostanaıda kólik órtenip ketti
QOSTANAI. QazAqparat - Qostanaıda 11 qazan kúni túnde «Chevrolet Captiva» markaly kólik janyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Oblystyq TJD kezekshi bólimi túngi saǵat 02:53 shamasynda Pobeda kóshesinde kóliktiń órtenip jatqandyǵy týraly habarlama alǵan.
«Pobeda-Ýrıtskıı kósheleriniń qıylysyndaǵy órt týraly aqpar alǵan soń oqıǵa ornyna №1 órt sóndirý bólimi qyzmetkerleri jiberildi. Aldyn ala boljam boıynsha, avtokólik qozǵaltqysh symdary tuıyqtalýynan soń tutanǵan. Órt aýmaǵy 4 sharshy metrdi quraıdy», - dedi TJD baspasóz qyzmetindegiler.
Órt saǵat 03:10-da aýyzdyqtalǵan. Zardap shekkender joq.
Illıýstratsııalyq foto
