Qostanaıda kólik qaǵyp ketken áıel mert boldy
QOSTANAI. QazAqparat - Búgin keshke Qostanaıdyń KSK shaǵyn aýdanynda kólik qaqqan áıel oqıǵa ornynda qaza boldy, dep habarlaıdy QazAqparat tilshisi.
Jol-kólik oqıǵasy týraly turǵyndar áleýmettik jelilerde jazdy.
Kýágerlerdiń sózinshe, Qobylandy batyr dańǵylynda qatty jyldamdyqpen kele jatqan «Mitsubishi» kóligi áıel adamdy qaǵyp ketken. Kólik rólinde er adam otyrǵan. Áıel oqıǵa ornynda mert boldy.
