Qostanaıda kólik basqaryp kele jatqan ІІB qyzmetkeri uıyqtap ketip, adam ólimine sebepshi boldy
ASTANA. QazAqparat - Qostanaıdaǵy №2 sotynyń tergeýshi sýdıasy Qostanaı ІІB ýaqytsha ustaý ızolıatorynyń kezekshi polıtseıi, 1995 jylǵy M.esimdi azamattyń QR QK 345 bap 3 tarmaǵynda qarastyrylǵan qylmystyq áreketke qatysty kúdikti retinde 2 aıǵa qamaýda ustaý túrindegi burtartpaý sharalaryn sanktsııalaý týraly ótinishti qanaǵattandyrdy.
Іs materıaldary boıynsha, 30 shilde kúni shamamen saǵat 05:45 kezinde M. «Vaz Prıora» markaly avtokóligin basqara otyryp, uıyqtap ketken. Sonyń saldarynan baǵdarshamnyń tyıym salý belgisinen ótip ketip, ruqsat berilgen bóliginde ótip bara jatqan «Lada Granta» markaly avtokólikpen soǵylyp, jol kólik apatyn jasady.
Jol kólik apaty saldarynan dene jaraqataryn alǵan júrgizýshi O.ıAnkovskıı qaza tapty. Quqyqbuzýshylyq týraly habarlama sotqa deıingi tekserýlerdiń biryńǵaı reestrine tirkelip, sotqa deıingi tekserý bastaldy. Qaýly zańdyq kúshine áli ene qoıǵan joq.
