Qostanaıda kólik baǵanaǵa soǵyldy: mashına tolyqtaı janyp ketken
QOSTANAI. QazAqparat - Qostanaı qalasynyń mańyndaǵy Zatobol kentine kireberis jerde júrgizýshi boıjetken rýldi basqara almaı, beton baǵanaǵa soǵylǵan, dep habarlaıdy QazAqparat tilshisi.
Jol apaty 15-nen 16 maýsymǵa qaraǵan túni bolǵan.
«21 jastaǵy qyz «Folksvagen Polo» avtomobılimen Semın kóshesimen Zatobol kentine qaraı kele jatyp, rýldi basqara almaı, beton baǵanaǵa soǵylǵan», - dep túsindirdi oblystyq ІІD.
Boıjetken men jolaýshy kapottan órt shyǵyp, kólik quraly tolyqtaı janǵanǵa deıin avtomobılden shyǵyp úlgergen.
ІІD aqparaty boıynsha, atalmysh fakti boıynsha boıjetkenke qatysty QR Ákimshilik kodeksiniń 610-baby 1-bóligi boıynsha ákimshilik hattama toltyryldy.
