Qostanaıda qoqys konteınerinen shaqalaqtyń denesi tabyldy
QOSTANAI. QazAqparat – Qostanaıda qoqys konteınerinen jańa týǵan shaqalaqtyń denesi tabyldy. Bul týraly oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.
Vedomstvonyń aqparatyna sáıkes, 23 qarashada «102» pýltine Áýejaı shaǵynaýdanyndaǵy konteınerlerdiń birinde jańa týǵan náresteniń tabylǵany týraly habarlama kelip túsken.
«Oqıǵa ornyna múddeli qyzmetter men polıtsııa departamentiniń basshylyǵy shyqty. Bala óli tabyldy. Qazir osy fakti boıynsha sotqa deıingi tergeý júrgizilýde. Balanyń anasyn, sondaı-aq bolǵan oqıǵanyń barlyq mán-jaılaryn anyqtaýǵa baǵyttalǵan jedel-izdestirý sharalary bastaldy. Polıtsııa qyzmetkerleri jaqyn mańdaǵy úılerge baryp, saýalnama alady, kýágerler izdestiriledi», - deıdi polıtsııadan.
Sábı óliminiń sebebi men ýaqyty taǵaıyndalǵan sot-medıtsınalyq saraptama kezinde anyqtalatyn bolady.
Іzdestirý jumystaryna kınologtar da tartyldy. Bul derek Polıtsııa departamenti men oblys prokýratýrasy basshylyǵynyń baqylaýyna alyndy.
