Qostanaıda kókpar kórermensiz ótti
ASTANA. QazAqparat - Qostanaı oblysynda ulttyq at sporty oıyndary óz maýsymyn aıaqtady, dep habarlaıdy QazAqparat «Qostanaı tańy» oblystyq gazetine silteme jasap.
Zarechnyıdaǵy «Qazanat» ıppodromynda Sarykól, Taran, Qostanaı, Qarabalyq aýdandarynyń sáıgúlikteri on shaqyrymdyq alaman báıgeniń júldesine talasty. Maýsymnyń jabylýyna sondaı-aq reseılik shabandozdar da qatysty.
Aýyzdyǵymen alysqan alýan júıriktiń arasynan báıgeniń kómbesine birinshi bolyp Reseıdiń aty jetti. Ekinshi jáne úshinshi oryndardy Qostanaı aýdanynyń qos sáıgúligi enshiledi.
Bastapqyda belgilengen 16 shaqyrymdyq alaman báıge men 8 shaqyrymdyq toq báıge ótken joq. Oǵan qatysýshylardyń azdyǵy sebep boldy. Al kókparǵa Taran men Sarykól aýdandarynyń jáne oblystyq ishki ister basqarmasynyń komandasy tústi. Bul synda OІІB komandasy júldeni eshkimge ustatpady. Júldegerlerdiń barlyǵyna aqshalaı syılyqtar men gramotalar berildi.
Basylymgyń jazýynsha, aldyn ala habarlandyrý bolmaǵandyqtan atjarysty kórýge sanaýly ǵana adam jınalǵan. Onyń ústine, báıgege demeýshilik etýge qulyq tanytqandar bolmaǵany kórinip turdy.
