Qostanaıda qoǵamdyq kólikterge «Avto-Tóleý» júıesi engiziledi
QOSTANAI. QazAqparat - Jyl aıaǵyna deıin qaladaǵy №3 jolaýshylar avtobýsyna «Avto-Tóleý» júıesi engiziledi. Bul týraly oblys ákimdiginde ótken jıynda belgili boldy, dep habarlaıdy QazAqparat.
Qostanaı oblysy ákimdiginiń aqparattandyrý, memlekettik qyzmetter kórsetý jáne arhıvter basqarmasynyń basshysy Erkebulan Ábdikárimovtiń aıtýynsha, aldaǵy ýaqytta Qostanaıdaǵy jolaýshylar avtobýstarynyń barlyǵy «Avto-Tóleý» júıesine qosylady.
«Jańa júıe jyl aıaǵyna deıin qaladaǵy №3 jolaýshylar avtobýsyna engiziledi. Bıletter elektrondy túrde alynady. 2019 jyldan bastap barlyq avtobýstarǵa usynamyz», - dedi Erkebulan Ábdikárimov.
Elektrondy bıýdjetti engizý úshin bıýdjetten 106 mln teńge qarjy bólinbek.
Aıta keteıik, bıyl aqpan aıyndaǵy esep berý jıynynda Qostanaı qalasynyń ákimi Bazyl Jaqypov qoǵamdyq kólikterde jolaqy «Ońaı» elektrondy kartasy arqyly tólenetinin aıtty. Sondaı-aq, qaladaǵy qoǵamdyq kólik parkiniń jańaratyny belgili bolǵan. Búginde bul jumysqa bıýdjetten qarjy bólingen.
Illıýstatsııalyq sýret
