Qostanaıda qoǵamdyq kólikterdegi jol júrý aqysy qymbattaıdy
ASTANA. QazAqparat - Qostanaı ákimi Bazyl Jaqypov qalalyq máslıhat komıssııasynyń otyrysynda Qostanaıdaǵy avtobýstarda jol júrý aqysyn kóterý týraly úkimge qol qoıdy.
Bul aqparatty alau.kz-ke Qostanaı qalalyq TShK, jolaýshylar kóligi jáne avtomobıl joldary bóliminiń bas mamany Erjan Kokıshev rastady.
Endi qostanaılyqtar avtobýstarda jol júrý úshin 60 teńgeniń ornyna 80 teńge tóleıtin bolady. Qala shetine jáne saıajaılarǵa baratyn avtobýstardyń quny 90 teńgeni quraıdy.
Qostanaı qalalyq ákimdiginiń baspasóz qyzmeti habarlaǵandaı, 7 jasqa deıingi balalar, Uly Otan soǵysynyń ardagerleri men qatysýshylary, 1 jáne 2 toptaǵy kózi nashar kóretin múgedekter úshin jol aqysy tegin.
7-15 jas aralyǵyndaǵy balalarǵa 50% jeńildik saqtalady. Zeınetkerler barlyq baǵyt boıynsha belgilengen tarıften 10 teńge az tóleıtin bolady. Qostanaı qalalyq ákimdiginiń baspasóz qyzmeti rastaǵandaı, jańa tarıftiń kóterilýi 2017 jyldyń 1 naýryzynda bastalady.
