Qostanaıda qoǵamdyq birlestiktiń tóraǵasy joǵalyp ketti
QOSTANAI. QazAqparat - Qostanaı qalasynda 33 jastaǵy er adam joǵalyp ketti, dep habarlaıdy QazAqparat tilshisi.
Joǵalyp ketken Arman Joldanovtyń qaryndasy Aıman Joldanovanyń aıtýynsha, ol 1 mamyr kúni úıinen shyǵyp, sodan beri áli oralmaǵan. Onyń boıy - 158 sm, erniniń ústinde meńi bar, shashy qara tústi. Úınen shyqqan kúni qandaı kıim kıgeni belgisiz. Únemi kózildirik taǵyp júredi.
«Aǵam 3 mamyr kúni keshke jaqyn áleýmettik jelilerge kirgen. Úıde eshqandaı urys-keris bolǵan emes. Tártip saqshylaryna habar berdik. Búgin saǵat 10:00-den bastap ony ózimiz izdeýge kiristik. Keshki saǵat 18:00 shamasynda Abaı kóshesiniń boıyndaǵy «2 kóterilis» aıaldamasyna jınalamyz. Іzdeýge kómektesemin degen jandarǵa alǵysymyz sheksiz», - dedi A.Joldanova agenttik tilshisine.
Aıta keteıik, Arman Joldanov «Birlesken uıymdar qaýymdastyǵy» qoǵamdyq birlestigi tóraǵasy qyzmetin atqarady.
